მაია ცქიტიშვილი - გუდაურს წყალი უწყვეტ რეჟიმში მიეწოდება, ბაკურიანის იმ ნაწილისთვისაც, სადაც პრობლემა იყო, წყლის მიწოდებას დღეს შევძლებთ

სასტუმროებისა და დამსვენებლების 80%-ს ბაკურიანში წყლის შეფერხება არ ჰქონია, - განცხადება ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა გააკეთა, რომელიც დღეს ბაკურიანში იმყოფებოდა.

მისივე თქმით, დანარჩენ 20 %-საც, რომელსაც წყალმომარაგების პრობლემა ჰქონდა, ის წყალმზიდების საშუალებით მიეწოდებოდა.

„მნიშვნელოვანია, რომ ტურისტებს, ჩვენს თანამოქალაქეებს, რომლებსაც ბაკურიანსა და გუდაურში ჩამოსვლის გეგმები აქვთ, სწორი ინფორმაცია მივაწოდოთ. თავიდანვე ვსაუბრობდით, რომ ბაკურიანში წყლის პრობლემა სასტუმროების მხოლოდ 20%-ს ჰქონდა, აქედან 10 %-ს არ მიეწოდებოდა წყალი და მიეწოდებოდა მხოლოდ წყალმზიდების საშუალებით. მათ 31 იანვრიდან მუდმივ რეჟიმში ვუვსებდით წყლის რეზერვუარებს და ასეთი სახით ვაწვდიდით წყალს, ხოლო მეორე 10%-ს გრაფიკით, შეფერხებით მიეწოდებოდა წყალი. სასტუმროებისა და დამსვენებლების 80%-ს ბაკურიანში წყლის შეფერხება არ ჰქონია. ეს მნიშვნელოვანია, მათ შორის, ჩვენი მოქალაქეებისთვისაც, რომლებსაც აქვთ ბაკურიანში ჩამოსვლისა და დასვენების სურვილი“, - განაცხადა მაია ცქიტიშვილმა.

მინისტრის განმარტებით, ზამთრის კურორტებზე ყველა ტექნიკური პრობლემის მოგვარება დასრულებულია.

„სამუშაოები აქტიურად მიმდინარეობდა. ყველა ტექნიკური პრობლემა, მილების შეკეთება და ახალი დამატებითი წყალმიმღებების მოწყობა, იმისთვის რომ წყლის დანაკლისი შეგვევსო, არის დასრულებული. ახლა მიმდინარეობს ახალი სათავეს ტესტირება და შესაბამისად, ჩვენ ვვარაუდობთ, რომ უახლოეს მომავალში შევძლებთ უკვე ამ დანაკლისის შევსებას იმისთვის, რომ ბაკურიანის დარჩენილ 20%-ს უწყვეტი წყალმომარაგება ჰქონდეს წყალმომარაგების ქსელის მეშვეობითაც. მიუხედავად ამისა, ჩვენ შსს-ს სამაშველო საგანგებო სამსახურისა და თავდაცვის სამინისტროს დახმარებით, ამ სასტუმრობსაც კი მუდმივ რეჟიმში ვაწვდიდით წყალს. ამ დღეების განმავლობაში, 700 ტონაზე მეტი წყალი არის მიწოდებული მხოლოდ ამ სასტუმროებისთვის“, - განაცხადა მაია ცქიტიშვილმა.

მისი ინფორმაციით, ტურისტების უმეტესობამ უბრალოდ სასტუმრო შეიცვალა და იქ გადავიდა, სადაც წყლის პრობლემა არ იყო.

„რა თქმა უნდა, გვაქვს ჩვენ ინფორმაცია იმასთან დაკავშირებით, რომ ამ სასტუმროებში იყო გაუქმებული ჯავშნები. ნაწილობრივად, ტურისტები გადავიდნენ სხვა სასტუმროებში, სადაც წყლის პრობლემა არ იყო. როგორც უკვე გითხარით, ეს პრობლემები აღმოფხვრილია - გუდაურს უწყევეტ რეჟიმში მიეწოდება წყალი, რედკოს დასახლებასაც. ბაკურიანში სასტუმროების იმ 10%-საც, სადაც წყლის პრობლემა იყო, იქაც დღეს ვფიქრობთ, რომ წყლის მიწოდებას შევძლებთ.

ჩვენ დიდ ფინანსურ ზარალთან შეხება არ გვაქვს, ვინაიდან 31 დეკემბრიდან ამ დღეების განმავლობაში, მუდმივ რეჟიმში, განუწყვეტლივ ვაწვდიდით ამ სასტუმროებს წყალს, ვუვსებდით მათ რეზერვუარებს და აქედან გამომდინარე, ეს სასტუმროები დღესაც ემსახურებიან დამსვენებლებს“, - განაცხადა რეგიონული განვითარებისა და ინფრასტრუქტურის მინისტრმა მაია ცქიტიშვილმა.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან