კახა კოჟორიძე - კანონმდებლობა ითვალისწინებს სასჯელის გადავადების შესაძლებლობას, მაგრამ მაღალი ალბათობაა, რომ მამა გიორგი მამალაძის შემთხვევაში ეს არ გააკეთონ

კანონმდებლობა ითვალისწინებს სასჯელის გადავადების შესაძლებლობას. მაღალი ალბათობა არის, რომ მამა გიორგი მამალაძის შემთხვევაში ეს არ გააკეთონ, - ამის შესახებ პოლიტიკური გაერთიანება „ლელო საქართველოსთვის“ ერთ-ერთმა ლიდერმა, კახა კოჟორიძემ ჟურნალისტების კითხვის საპასუხოდ განაცხადა. კოჟორიძის განმარტებით, მას პრაქტიკაში სასჯელის გადავადების შემთხვევა ჰქონია.

„ერთ-ერთ ჩემს კლიენტს, რომელსაც მე სამართლებრივ დახმარებას ვუწევდი, „ნაციონალური მოძრაობის“ ხელისუფლების დროს მიუსაჯეს პატიმრობა აბსოლუტურად უკანონოდ და შემდეგ რამდენიმე თვეში, ჯანმრთელობის მძიმე მდგომარეობის გამო, მოხდა სასჯელის გადავადება. დღემდე ეს ადამიანი ყოველწლიურად მისი მძიმე ჯანმრთელობის მდგომარეობის შესახებ სათანადო სამედიცინო დოკუმენტაციას წარადგენს და ამის საფუძველზე ყოველწლიურად ხდება სასჯელის მოხდის გადავადება. ანუ ეს შესაძლებელია და კარგი იქნება თუ მიმართავენ. მამალაძის ჯანმრთელობის მდგომარეობა რამდენად მძიმეა მე, ცხადია, ამას ვერ შევაფასებ, ეს უნდა შეაფასონ ექიმებმა. თუ არის ისეთი მძიმე და როგორც ვრცელდება ინფორმაცია არის ძალიან მძიმე, შესაბამისად შესაძლებელია, კანონმდებლობა ამას ითვალისწინებს, პრაქტიკაში ასეთი შემთხვევები ყოფილა. ამას გააკეთებენ თუ არა მამალაძის შემთხვევაში ამის პროგნოზირებას მე ვერ გავაკეთებ, თუმცა უფრო მაღალი ალბათობა არის იმისა, რომ არ გააკეთონ გამომდინარე იქიდან, რომ „ქართულ ოცნებას“ რომ სდომოდა, რომ ეს კაცი, ან საერთოდ არ შესულიყო ციხეში, ან დროზე გამოსულიყო, არაერთი მექანიზმი არსებობს ამის გაკეთების, მაგრამ ეს არ გააკეთეს“,- განაცხადა კახა კოჟორიძემ.

შეგახსენებთ, დეკანოზ გიორგი მამალაძის ოჯახი სასჯელის გადავადების მოთხოვნით სარჩელს ამზადებს.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 21.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს