გიორგი კახიანი - მიხეილ სააკაშვილმა კიდევ ერთხელ დაადასტურა, რომ "ნაცმოძრაობა" ხელისუფლებაში დასაბრუნებლად ერთადერთ გზად ხედავს რევოლუციას
მიხეილ სააკაშვილმა კიდევ ერთხელ დაადასტურა ის, რომ "ნაციონალური მოძრაობა" ხელისუფლებაში დასაბრუნებლად ერთადერთ გზად ხედავს რევოლუციას, - ამის შესახებ პარლამენტის ვიცე-სპიკერმა გიორგი კახიანმა ჟურნალისტებს განუცხადა, რითაც გამოეხმაურა ყოფილი პრეზიდენტის, მიხეილ სააკაშვილის განცხადებას 20 ივნისის მოვლენებთან დაკავშირებით.
მისი თქმით, არსებული ხელისუფლების დამხობის სურვილი სააკაშვილის განცხადებებში ადრეც გაჟღერებულა.
"მიხეილ სააკაშვილმა ამ განცხადებით კიდევ ერთხელ დაადასტურა ის, რომ "ნაციონალური მოძრაობა" ხელისუფლებაში დასაბრუნებლად ერთადერთ გზად ხედავს რევოლუციას, ხელისუფლების დამხობას. მსგავსი სურვილი მიხეილ სააკაშვილის და სანდრა რულოვსის განცხადებებში ადრეც მოგვისმენია. ის, რომ 20 ივნისს პარლამენტში შეჭრის სურვილი არსებობდა, დაადასტურა ნიკა მელიამაც, როდესაც ასეთი შინაარსის განცხადება გააკეთა. თუკი საქართველოში ვინმეს რაიმე კითხვა ჰქონდა, 20 ივნისს "ნაციონალურ მოძრაობას" ჰქონდა თუ არა ხელისუფლების დამხობის სურვილი, მიხეილ სააკაშვილის განცხადების შემდეგ, ეს კითხვები უნდა გაქრეს",- განაცხადა კახიანმა.
საქართველოს ყოფილმა პრეზიდენტმა, მიხეილ სააკაშვილმა "მთავარ არხთან" ინტერვიუში 20 ივნისის მოვლენების შესახებ ისაუბრა. როგორც მიხეილ სააკაშვილმა აღნიშნა, 2019 წლის 20 ივნისს ბიძინა ივანიშვილი წკიპზე იყო. "ცოტაც და ეს რეჟიმი დაემხობოდა. მაშინ, ჩემი აზრით, მომენტი გაშვებული იქნა", - განაცხადა სააკაშვილმა.
v-if="article.gallery" v-html="article.gallery"
