თამბაქოს მიწოდება, გარდა 50 და 100 გრამიანი შეფუთვებისა, დასაშვები ხდება 15 გრამიან შეფუთვებშიც. პარლამენტში „თამბაქოს კონტროლის შესახებ“ საქართველოს კანონში ცვლილების პროექტი დარეგისტრირდა.
კანონპროექტის მიხედვით, თამბაქოს ნაწარმის - საჩიბუხე თამბაქოს, ჩილიმისთვის განკუთვნილი თამბაქოს, შესახვევი თუთუნის, თამბაქოს ნედლეულისა და თამბაქოს ნარჩენების 15 გრამიანი საფუთავებში მიწოდება/გაყიდვა ისევე იქნება შესაძლებელი, როგორც 50 და 100 გრამიან საფუთავებში.
კანონპროექტის ინიციატორები პარლამენტის წევრები გურამ მაჭარაშვილი და გოგა გულორდავა არიან.