კახა კუჭავა საქართველოში აზერბაიჯანის რესპუბლიკის საგანგებო და სრულუფლებიან ელჩს, დურსუნ ჰასანოვს შეხვდა

პარლამენტის თავმჯდომარის მოადგილე და აზერბაიჯანის პარლამენტთან მეგობრობის ჯგუფის ხელმძღვანელი, კახა კუჭავა საქართველოში აზერბაიჯანის რესპუბლიკის საგანგებო და სრულუფლებიან ელჩს, დურსუნ ჰასანოვს შეხვდა, - ამის შესახებ „ინტერპრესნიუსს“ საქართველოს პარლამენტიდან აცნობეს.

მათივე ინფორმაციით, მხარეებმა მეგობრობის ჯგუფების ფორმატში თანამშრომლობის საკითხებსა და მიმდინარე წელს დაგეგმილ ღონისძიებებზე ისაუბრეს.

„9 თებერვალს აზერბაიჯანში საპარლამენტო არჩევნები ჩატარდება. როგორც აზერბაიჯანის რესპუბლიკის ელჩმა განაცხადა, ძალიან მალე აპირებენ საქართველოს პარლამენტთან მეგობრობის ჯგუფის ფორმირებას და გამოთქვეს მზადყოფნა, დაიგეგმოს ორმხრივი ვიზიტები. ასევე, ვისაუბრეთ სხვადასხვა ღონისძიებაზე, რომელიც წლის განმავლობაში გვინდა განვახორციელოთ, მათ შორის, საქართველოში ეთნიკური აზერბაიჯანელებით დასახლებულ ადგილებში. ჩვენი მხრიდან ყველა ის დეპუტატი, რომელიც ამ მუნიციპალიტეტებს წარმოადგენს, აქტიურად იქნება ჩართული აღნიშნულის განხორციელებაში“, - განაცხადა კახა კუჭავამ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის