დავით ბაქრაძე ჩიკაგოს უნივერსიტეტში ევროპული უსაფრთხოების ფორუმში მონაწილეობს

ჩიკაგოს უნივერსიტეტის მიწვევით პარტია "ევროპული საქართველოს" ლიდერი დავით ბაქრაძე აშშ-ში გაემგზავრა. ჩიკაგოს უნივერსიტეტში ევროპული უსაფრთხოების ფორუმი იმართება, რომელშიც ევროპელი და ამერიკელი პოლიტიკოსები იღებენ მონაწილეობას.

როგორც "ინტერპრესნიუსს" პარტია "ევროპული საქართველოდან" აცნობეს, დავით ბაქრაძემ ფორუმის მონაწილეებს სიტყვით მიმართა და საქართველოს გამოწვევებზე ისაუბრა.

ფორუმის ძირითადი თემა ევროპული უსაფრთხოება, ტრანსატლანტიკური ერთობა და ახლო აღმოსავლეთში შექმნილი სიტუაციაა.

„საქართველოს გარშემო რეგიონში სიტუაცია უკიდურესად გამწვავებულია. ამიტომ ძალიან მნიშვნელოვანია, თუ რა ნაბიჯებს გადადგამს ამ ვითარებაში ამერიკის შეერთებული შტატები. საქართველოს უსაფრთხოების, მომავალი გამთლიანების და დემოკრატიისთვის გადამწყვეტი მნიშვნელობა აქვს, თუ რამდენად და რა ფორმით იქნება აშშ ჩართული რეგიონში მიმდინარე მოვლენებში. მნიშვნელოვანია, რომ ამ ტრადიციისა და გავლენის მქონე უნივერსიტეტი მსგავს ფორუმს ატარებს. ჩიკაგოს უნივერსიტეტმა სივრცე შექმნა ამერიკელი და ევროპელი პოლიტიკოსებისთვის, რათა ჩვენი რეგიონის უსაფრთხოებასა და მშვიდობაზე ვიმსჯელოთ“, - განაცხადა დავით ბაქრაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს