დიღომში, ყოფილი „მიონის“ ქარხნის შენობაში ხანძარს ერთი ადამიანი ემსხვერპლა

დიღომში, ყოფილი „მიონის“ ქარხნის შენობაში გაჩენილი ხანძრის შედეგად ერთი ადამიანი დაიღუპა. გარდაცვლილი შუა ხნის მამაკაცია.

როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ცეცხლი მეექვსე სართულზე გაჩნდა.

სასწრაფო დახმარების ბრიგადის ხელმძღვანელის ნაირა ქარქშაძის განცხადებით, ამ დროისთვის გვამის იდენტიფიცირება მიმდინარეობს.

"გამოძახება მივიღეთ, რომ "მიონის" შენობაში იყო ხანძარი. ადგილზე მოსვლისას დაგვხვდა ღია ცეცხლი. ჩვენ იქ ვერ შევედით ძლიერი დაკვამლიანების გამო, ასევე მოსალოდნელი იყო ნგრევაც, ამიტომ დაახლოებით 55 წლის მამაკაცი ჩამოიყვანეს ქვემოთ, რომელიც არის გარდაცვლილი. ორგანიზმს ეტყობა დამწვრობის კვალი. ამ ეტაპზე,გვამის იდენტიფიკაცია მიმდინარეობს",-განაცხადა ექიმმა.

უწყების ინფორმაციით, ადგილზე 7 სახანძრო-სამაშველო ბრიგადა მუშაობს. ჯერჯერობით, უცნობია, თუ რა გახდა ხანძრის გაჩენის მიზეზი.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს