გია ვოლსკი - საარჩევნო სისტემის ცვლილებაზე გადაწყვეტილებას არ იღებს ბიძინა ივანიშვილი, გადაწყვეტილება არის კოლექტიური

საარჩევნო სისტემის ცვლილებაზე გადაწყვეტილებას არ იღებს ბიძინა ივანიშვილი. გადაწყვეტილება არის კოლექტიური, - ასე უპასუხა პარლამენტის პირველმა ვიცე-სპიკერმა გია ვოლსკიმ ოპოზიციის მოთხოვნას, რომ მოლაპარაკების მომდევნო რაუნდს ივანიშვილიც დაესწროს, ვინაიდან, მათი თქმით, გადაწყვეტილების მიმღები სწორედ ის არის.

ვოლსკის თქმით, მმართველ გუნდში არ არსებობს ადამიანი, რომელიც ერთპიროვნულ გადაწყვეტილებას იღებს.

„ეს ღლიცინი და ქილიკი, რასაკვირველია, ის მეთოდია, რითიც განაპირობებენ ჟურნალისტების შეკითხვას. ბიძინა ივანიშვილი არ იღებს გადაწყვეტილებას არც ამ და არც ბევრ სხვა საკითხზე. გადაწყვეტილება არის კოლექტიური და არ არსებობს არც ერთი ადამიანი, რომელიც ერთპიროვნულ გადაწყვეტილებას მიიღებს, მიშა სააკაშვილის თვისებებიც რომ ჰქონდეს“, - განაცხადა ვოლსკიმ.

მისივე თქმით, ხელისუფლების შეთავაზება, რომლის მიხედვითაც პარლამენტში მაჟორიტარების რაოდენობა შემცირდება, საქართველოს კრიზისის საფრთხიდან გამოიყვანს.

„რას ამბობს ვოლსკი, ვაშაძე თუ ბოკერია, ამას არავითარი მნიშვნელობა არ აქვს. საზოგადოებამ უნდა შეაფასოს, რამდენად საფრთხის შემცველია ესა თუ ის პროექტი ჩვენი ქვეყნის განვითარებისთვის და თვითონ გამოიტანოს დასკვნა. პიკეტირება და პარლამენტის მუშაობის დაბლოკვა - ეს ის გზაა, რომელსაც ჩვენი ოპონენტების დიდი ჯგუფი მიჰყვება და ამასთან დაკავშირებით ბევრ ახალგაზრდას არ აქვს სწორი ინფორმაცია. 100/50 არის შეთავაზება, რომელიც მნიშვნელოვანწილად იზიარებს ოპოზიციის მოსაზრებებსაც და საქართველოს გამოიყვანს შესაძლო კრიზისის საფრთხიდან“, - განაცხადა ვოლსკიმ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან