დავით ბაქრაძე - საზოგადოებასთან კუნთების თამაში და დასავლეთთან დაპირისპირება არ შერჩენია და არ შერჩება არც ერთ ხელისუფლებას ამ ქვეყანაში

დღეს შოთაძის უკან დაბრუნებით ხელისუფლება გვეუბნება, რომ საზოგადოების პროტესტი არ აინტერესებს, - ამის შესახებ პარტია „ევროპული საქართველოს“ ლიდერმა დავით ბაქრაძემ გენპროკურორობიდან გადამდგარი ირაკლი შოთაძის გენერალური პროკურორის ვაკანტურ თანამდებობაზე წარდგენის კომენტირებისას განაცხადა.

ბაქრაძე აცხადებს, რომ ირაკლი შოთაძეს საპარლამენტო უმრავლესობის მხარდაჭერა ექნება.

„ქართული ოცნების“ და ბიძინა ივანიშვილის გადაწყვეტილებაა, რომ აჩვენონ ძალა და დაუპირისპირდნენ საზოგადოებას ყველა მნიშვნელოვან გადაწყვეტილებაში. სწორედ ამ კუთხით შეიძლება განვიხილოთ შოთაძის პროკურორად დაბრუნება. ესაა „ქართული ოცნების“ სახე, ხელისუფლება საკუთარი შექმნილი პრობლემებისგან იმალება კედლების და პოლიციელების უკან და საზოგადოებას იწვევს იმ ადამიანების დაბრუნებით, ვისი გაშვებაც თავის დროზე საზოგადოებრივი პროტესტიდან გამომდინარე მოხდა“, - აღნიშნა ბაქრაძემ.

მისივე თქმით, „საზოგადოებასთან კუნთების თამაში, გამოწვევა და დასავლეთთან დაპირისპირება არ შერჩენია და არ შერჩება არც ერთ ხელისუფლებას ამ ქვეყანაში”.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში