ნინო ლომჯარია - ძალიან ვწუხვარ, რომ ისეთ მნიშვნელოვან ინსტიტუციაში, როგორიც არის გენერალური პროკურატურა, ხელმძღვანელის შერჩევა კვლავ გაუმჭვირვალე პროცესით ხდება
ძალიან ვწუხვარ, რომ ისეთ მნიშვნელოვან ინსტიტუციაში, როგორიც არის საქართველოს გენერალური პროკურატურა, ხელმძღვანელის შერჩევა კვლავ არაინკლუზიური და არაგამჭვირვალე პროცესით ხდება, - ამის შესახებ სახალხო დამცველმა ნინო ლომჯარიამ განაცხადა.
მისივე თქმით, პროკურატურა ისედაც განიცდიდა საზოგადოების მხრიდან ნდობის მწვავე დეფიციტს.
„არ ვიცი ვინ შეიძლება გახდეს გენერალური პროკურორი, ჩვენ შეგვიძლია მხოლოდ ვივარაუდოთ. მე არ ვაპირებ კანდიდატების შეფასებას. ძალიან ვწუხვარ, რომ ისეთი მნიშვნელოვანი ინსტიტუციის, როგორიც არის საქართველოს გენერალური პროკურატურა, ხელმძღვანელის შერჩევა კვლავ ხდება არაინკლუზიური და არაგამჭვირვალე პროცესით, რაც ნამდვილად ვერ მოუტანს ნდობას პროკურატურას, რომელიც ისედაც განიცდის საზოგადოების მხრიდან ნდობის მწვავე დეფიციტს, რაც ყველა კვლევიდან და საზოგადოების განწყობიდან ჩანს. ამიტომ, ძალიან სამწუხაროა, რომ ჩვენ ამჯერადაც ვერ ვნახეთ გამჭვირვალე და დაინტერესებული მხარეების მხრიდან ჩართული პროცესი. ვინც არ უნდა გახდეს ახალი გენერალური პროკურორი, ეს პროცესი დააზიანებს მის მიმართ ნდობას,“ - აღნიშნა ნინო ლომჯარიამ.
ცნობისთვის, გენერალური პროკურორის კანდიდატურასთან დაკავშირებით ერთ თვიანი საჯარო კონსულტაციების შემდეგ საპროკურორო საბჭო დღეს პირველ სხდომას მართავს.
v-if="article.gallery" v-html="article.gallery"
