ირანში ბასიჯის ძალების მეთაური მოკლეს, რომელიც ყასემ სოლეიმანის ახლო მოკავშირე იყო

ირანში, ნიღბიანმა პირებმა უსაფრთხოების ძალების მეთაური, გენერალი აბდოლჰოსეინ მოჯადამი მოკლეს. მედიის ცნობით, სამხედრო მაღალჩინოსანი, ბაღდადის აეროპორტში მოკლული ყასემ სოლეიმანის მოკავშირე იყო და რევოლუციური გვარდიის ბასიჯის ძალებს ხელმძღვანელობდა.

ირანული მედიის ცნობით, მკვლელობა ხუზესტანის პროვინციაში მოხდა, სადაც ნიღბიანმა პირებმა, რომლებიც მოტოკიცლეტებით გადაადგილდებოდნენ, მოჯადამის მიმართულებით ცეცხლი გახსნეს.

საქმეზე გამოძიება მიმდინარეობს.

საერთაშორისო მედიის ინფორმაციით, ბასიჯის დანაყოფები აქტიურად მონაწილეობდნენ მშვიდობიანი საპროტესტო აქციების დარბევაში, რომლის დროსაც ათობით, ზოგიერთი ცნობით, დაახლოებით 300 დემონსტრანტი დაიღუპა.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის