დავით ბაქრაძე - „ქართული ოცნება“ მზად არის საკუთარი პარტიული ინტერესისთვის და სკამებისთვის მთელი საქართველო გადაიყოლოს იმ უფსკრულში, რომელშიც თავად დიდი ხანია მიექანება

„ქართული ოცნება“ მზად არის საკუთარი პარტიული ინტერესისთვის და სკამებისთვის მთელი საქართველო გადაიყოლოს იმ უფსკრულში, რომელშიც თავად დიდი ხანია მიექანება. სწორედ ამას ადასტურებს კონგრესმენების წერილიც, - ასე ეხმიანება „ევროპული საქართველოს“ ლიდერი დავით ბაქრაძე ჟურნალისტებთან ამერიკელი კონგრესმენების მიერ საქართველოს პრემიერ-მინისტრისთვის გაგზავნილ წერილს და მასზე ხელისუფლების წარმომადგენელთა მიერ გაკეთებულ შეფასებებს.

დავით ბაქრაძე საქართველოს მიმართ აშშ-ის პოლიტიკის ცვლილებების საფრთხეზეც საუბრობს.

„კონგრესის ქვედა პალატის საგარეო ურთიერთობათა კომიტეტის თავმჯდომარის და საქართველოსთან მეგობრობის ჯგუფის ორი თანათავმჯდომარის წერილი რეალურად შეიძლება გახდეს ის საფუძველი, რომელიც მიგვიყვანს საქართველოს მიმართ აშშ-ის პოლიტიკის შეცვლამდე და როცა საქართველოს ხელისუფლება და „ქართული ოცნება“ ამ ყველაფრის უგულებელყოფას და უბრალო არითმეტიკამდე დაყვანას ახდენს, რომ „რას ნიშნავს ან რას ცვლის 4 კონგრესმენის აზრი“, - ეს ნიშნავს იმას, რომ „ქართული ოცნება“ მზად არის საკუთარი პარტიული ინტერესისთვის, სკამებისთვის მთელი საქართველო გადაიყოლოს იმ უფსკრულში, რომელშიც თავად, როგორც პარტია, უკვე დიდი ხანია მიექანება და სწორედ ამას ადასტურებს კონგრესმენების წერილიც, ევროპარლამენტის კრიტიკაც და ჩვენი სტრატეგიული პარტნიორების მიერ გამოთქმული სხვა შენიშვნები. ამიტომ ჩვენი ამოცანა დღეს, როგორც არასდროს, უნდა იყოს, არ მივცეთ საშუალება „ქართულ ოცნებას“ საერთაშორისო იზოლაციის უფსკრულში გადაიყოლოს საქართველო, რადგან საერთაშორისო იზოლაციის უფსკრულს ჩვენთვის მოჰყვება ფუნდამენტური საფრთხეები, საქართველოს უსაფრთხოება, ჩვენი ეკონომიკური განვითარება მთლიანად არის დამოკიდებული დასავლეთზე, ამერიკელების და ევროპელების მხარდაჭერაზე, ამ ქვეყნებიდან შემოსულ ინვესტიციებზე და როცა ამ ყველაფერს საფრთხეს უქმნის ერთი პოლიტიკური გუნდი, ამ გუნდის ინტერესი და ამ გუნდის მხრიდან სკამების შენარჩუნების მცდელობა, ჩვენი ამოცანა უნდა იყოს, რომ უკვე განურჩევლად პოლიტიკური ინტერესებისა, საქართველოს მომავალი დავაყენოთ უფრო მაღლა და არ მივცეთ უფლება დღევანდელ ხელისუფლებას საკუთარი სკამების შენარჩუნების გამო საფრთხე შეუქმნან ამ ქვეყნის მომავალს, მის ეკონომიკურ განვითარებას, უსაფრთხოებას და ევროატლანტიკურ და ევროპულ მომავალს,“- განაცხადა დავით ბაქრაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს