მიხეილ კალანდიას ადვოკატი - ხელისუფლება გამოსავალს ეძებს ჯანაშიასთვის საპროცესო შეთანხმების გაფორმებაში - გამოვითხოვ  განაჩენს, რასაც სავარაუდოდ, ხვალ უზენაესი სასამართლო დაამტკიცებს

ამ აჯაფსანდალში, რომელშიც თვითონ გაეხვია უსუსური და უუნარო ხელისუფლება, გამოსავალს ეძებს საპროცესო შეთანხმების გაფორმებაში,- ამის შესახებ ხორავას ქუჩის საქმეში დავით სარალიძის მკვლელობაში ბრალდებულ მიხეილ კალანდიას ადვოკატმა ზურაბ თოდუამ „პალიტრანიუსის“ გადაცემაში „360 გრადუსი“ განაცხადა.

მისივე თქმით, ხვალ გეგმავს ოფიციალურად გამოითხოვოს უზენაესი სასამართლოს მიერ გამოტანილი განაჩენი.

„უზენაესი სასამართლოს მეშვეობით რომ დადგენილიყო ის საკასაციო მოთხოვნა, რასაც ჯანაშია ითხოვდა - აუცილებელი მოგერიების ფარგლები, ასეთ შემთხვევაში ხელისუფლება იძულებული იქნებოდა ეღიარებინა, რომ კალანდია იყო პოლიტიკური ნიშნით დაპატიმრებული, თუ დადგინდება, რომ გენერალური პროკურატურის საკასაციო საჩივრით უზენაესი სასამართლო მიიჩნევს ბარბაქაძეს სარალიძის მკვლელად, ასეთ შემთხვევაშიც კალანდია არის პოლიტიკური ნიშნით დაპატიმრებული. აქედან გამომდინარე, ამ აჯაფსანდალში, რომელშიც თვითონ გაეხვია უსუსური და უუნარო ხელისუფლება, გამოსავალს ეძებს საპროცესო შეთანხმების გაფორმებაში. ამას მიაღწია ჯანაშიასთან და დღეს გავავრცელე ინფორმაცია, რომ მსგავსი ზემოქმედების მცდელობა ჰქონდათ პატივსადები ოჯახის მიმართ, იყო ასეთი, მაგრამ ვერ მიაღწიეს იმას, რა შედეგსაც მიაღწიეს ზაზა სარალიძესთან.

ხვალ სამუშაო საათების დამთავრებამდე ოფიციალურად გამოვითხოვ იმ განაჩენს, რასაც სავარაუდოდ, ხვალ დაამტკიცებს საქართველოს უზენაესი სასამართლო. დაშტრიხულ ფორმით მაინც უნდა მომცენ და ამის შემდეგ გეტყვით დეტალებს, მაგრამ ჩემთვის სრულიად გაუგებარია, უფრო მაღალი სტაჟის მქონე იურისტებსაც კი უკვირთ, რა პირობები შეიძლება იყოს ჯანაშიას სიტუაციაში მყოფ მსჯავრდებულთან“,- განაცხადა ზურაბ თოდუამ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი