თბილისის საქალაქო სასამართლოში ხორავას ქუჩაზე დავით სარალიძის განზრახ ჯგუფურად მკვლელობაში ბრალდებულ მიხეილ კალანდიას სასამართლო პროცესი მიმდინარეობს.
როგორც პროცესის დაწყებამდე ჟურნალისტებს საქმის პროკურორმა, მირიან მეგრელიშვილმა განუცხადა, დღევანდელი პროცესი ბრალდების მხარის მტკიცებულებების გამოკვლევით განახლდება. მისი ინფორმაციით, დღეს ნივთიერ და წერილობით მტკიცებულებებს, ასევე ხორავას ქუჩის მიმდებარე ტერიტორიზე კამერების ჩანაწერებს გამოიკვლევენ.
ცნობისთვის, მიხეილ კალანდია ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით სამართალდამცავებმა 2019 წლის 4 ივნისს დააკავეს. მას აღკვეთის ღონისძიების სახით პატიმრობა 6 ივნისს შეეფარდა.