შიდა ქართლის რეგიონში 45 დევნილ ოჯახს ბინები გადაეცემა
დევნილთა საკითხების შემსწავლელი კომისია შიდა ქართლის რეგიონში იძულებით გადაადგილებული ოჯახებისთვის ბინების განაწილების საკითხს განიხილავს. ამის შესახებ „ინტერპრესნიუსს“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროდან აცნობეს,
მათივე ცნობით, გორსა და ხაშურში, ახალაშენებულ კორპუსებში საცხოვრებელ ფართს 45 დევნილი ოჯახი, გრძელვადიანი განსახლების კრიტერიუმების შესაბამისად მიიღებს.
„კომისია მუშაობას თებერვლის დასაწყისში დაასრულებს, რის შემდეგაც დევნილთა, ეკომიგრანტთა და საარსებო წყაროებით უზრუნველყოფის სააგენტო შიდა ქართლში მცხოვრებ დევნილ ოჯახებს ახალ ბინებს გადასცემს“, - ნათქვამია ინფორმაციაში.
