პოლიტიკური პარტია "ახალი საქართველოს“ თავმჯდომარე გიორგი ვაშაძის განცხადებით, ევროსაბჭოს საპარლამენტო ასამბლეამ მონიტორინგის კომიტეტის ანგარიში დაამტკიცა და იმპერატიული მოთხოვნა წაუყენა საქართველოს, რომლის მიხედვითაც საარჩევნო სისტემა ყველა მონაწილე მხარესთან უნდა შეთანხმდეს.

ვაშაძის განცხადებით, "ქართულ ოცნებას" სურდა ეს ჩანაწერი დოკუმენტიდან გამქრალიყო, რაც ვერ მოახერხეს.

„ევროსაბჭოს საპარლამენტო ასამბლეამ, მონიტორინგის ანგარიში დაამტკიცა და იმპერატიული მოთხოვნა, რომელიც ჩაიწერა ამ ანგარიშში: საქართველოში საარჩევნო სისტემა უნდა იყოს შეთანხმებული ყველა მონაწილე მხარესთან. ეს ნიშნავს იმას, რომ 2020 წლის საპარლამენტო არჩევნები სწორედ ამ წინაპირობით იქმება შეფასებული ევროსაბჭოს და ევროპული ინსტიტუციების მიერ. ეს არის უმნიშვნელოვანესი მითითება, რომელიც ევროსაბჭოს საპარლამენტო ასამბლეამ გააკეთა საქართველოსთან დაკავშირებით. „ქართულ ოცნებას" ჰქონდა არაერთი მცდელობა, მათ უნდოდათ, რომ გამქრალიყო ეს ჩანაწერი საერთოდ ამ დოკუმენტში, მათ ეს ვერ მოახერხეს და ირაკლი კობახიძეს მოუწია მისი მრავლობითი ცვლილებების უკან გაწვევა და დათანხმება იმ ჩანაწერზე რაც აქ არის", - განაცხდა გიორგი ვაშაძემ.