ხობში, მაჟორიტარი დეპუტატის დაჩი ბერაიას ბიუროსთან, სადაც მოძრაობა „შეცვალეს“ წევრებმა აქცია გამართეს, ხმაური და სიტყვიერი დაპირისპირება იყო. ისინი ბიუროში შესვლას და მაჟორიტარისთვის „სიგელის" და სათამაშო ცხენის გადაცემას ითხოვდნენ. მათ ამის უფლება ბიუროს თანამშრომლებმა არ მისცეს, რის შემდეგ, მოძრაობა „შეცვალეს“ წევრებმა „სიგელი“ და სათამაშო ცხენი შენობის შესასვლელთან დატოვეს.

აქციის წევრების თქმით, ბერაიას ცხენი სიმბოლურად მიუტანეს, რადგან მათივე განმარტებით, „ის ბიძინას პირადი შიკრიკია“.

აქციის მონაწილეებმა ბიუროს შესასვლელთან შემდეგი შინაარსის პლაკატები გააკრეს: „შეცვალე", „კაი დაჩი მათრახს არ დაირტყამს", „დაჩი ბერაია ბიძინას მონა".