მამუკა ხაზარაძის, ბადრი ჯაფარიძის და ავთანდილ წერეთლის სასამართლო პროცესზე დღეს ბრალდების მხარის 7 მოწმეს დაკითხავენ

თიბისი ბანკის ბრალდებული დამფუძნებლების მამუკა ხაზარაძის, ბადრი ჯაფარიძისა და ავთანდილ წერეთლის სასამართლო პროცესზე დღეს ბრალდების მხარის 7 მოწმეს დაკითხავენ.

საქმის პროკურორის სალომე ჩიქობავას განმარტებით, მოწმეები დაადასტურებენ, რომ „სამგორი ემსა“ და „სამგორი თრეიდზე“ სესხების გაცემისას მათთვის ცნობილი არ იყო კონკრეტული მიზნობრიობა.

„თიბისი ბანკის“ თანამშრომლები, რომლებმაც მონაწილეობა მიიღეს საკრედიტო კომიტეტის სხდომებში, „სამგორი ემსა“ და „სამგორი თრეიდზე“ სესხების გაცემისას. აღნიშნული მოწმეები დაადასტურებენ, რომ სესხის გაცემისას მათთვის ცნობილი არ იყო კონკრეტული დანიშნულება, კონკრეტული მიზნობრიობა. ის, რომ უნდა მომხდარიყო აღნიშნული სესხის გადასესხება ადმინისტრატორებზე. სწორედ ინფორმაციის არქონამ გამოიწვია მათი მხრიდან სესხის გაცემისას ეროვნული ბანკის რეგულაციების დარღვევა. დღეს ასევე წარმოდგენილია ეროვნული ბანკის მოქმედი თანამშრომლები, რომლებმაც შემოწმება ჩაატარეს 2008 წელს „თიბისი ბანკში“. აღნიშნული მოწმეები დაადასტურებენ, რომ შემოწმების მიზანი არ იყო „სამგორი ემსა“ და „სამგორი თრეიდზე“ გაცემული სესხების შესწავლა. სწორედ ამიტომ მათთვის არ იყო ცნობილი ეს ინფორმაცია და იმ პერიოდში ამ სესხებთან მიმართებით ბანკის მიმართ რაიმე სამართლებრივი ღონისძიებები არ გატარებულა“, - განაცხადა პროკურორმა სალომე ჩიქობავამ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ