არჩილ თალაკვაძის განცხადებით, გენპროკურორის პოსტზე წარდგენილ ირაკლი შოთაძეს საპარლამენტო უმრავლესობის მხარდაჭერა ექნება

პარლამენტის თავმჯდომარის არჩილ თალაკვაძის განცხადებით, გენერალური პროკურორის თანამდებობაზე წარდგენილ ირაკლი შოთაძეს საპარლამენტო უმრავლესობის მხრიდან მხარდაჭერა ექნება.

როგორც არჩილ თალაკვაძემ ჟურნალისტებს განუცხადა, ირაკლი შოთაძის მთავარი პროკურორობის პერიოდში პროკურატურამ გამოძიებები არაერთ მნიშვნელოვან და გახმაურებულ საქმეებზე ძალიან ეფექტურად ჩაატარა. მისივე თქმით, მათ შორის იყო ორგანიზებული, ტრანსნაციონალური დანაშაული, ნარკოტრეფიკინგი და განსაკუთრებით მძიმე დანაშაულის შემთხვევები, რასაც საზოგადოების მაღალი ინტერესი მოჰყვა.

„როგორც კი ხორავას ქუჩაზე მომხდარი ფაქტის გამო და ამ გამოძიებასთან დაკავშირებით პროკურატურასთან მიმართებაში საზოგადოებას კითხვები გაუჩნდა, ასევე, დაზარალებულებს, გარდაცვლილთა ოჯახის წევრებს ჰქონდათ კითხვები ირაკლი შოთაძესთან, როგორც მთავარ პროკურორთან, მან ძალიან ღირსეული გადაწყვეტილება მიიღო. მთელ საზოგადოებას აჩვენა, რომ მისთვის სკამი და თანამდებობა მთავარი არ არის და გადადგომის შესახებ გადაწყვეტილება მიიღო. შემდეგ იცით, რომ გამოძოიება გაგრძელდა, ის ამ გამოძიებაში ჩართული არ იყო. გამოძიებამ საბოლოო შედეგები გამოკვეთა, პასუხისგებაში მიეცნენ სხვა ადამიანებიც. დღეს, მეტწილად, ამ საქმეზე, როგორც დაზარალებულთა განცხადებებიდან იკვეთება, კითხვები მოხსნილია. შესაბამისად, როდესაც საპროკურორო საბჭომ გადაწყვეტილება მიიღო მის კანდიდატურასთან დაკავშირებით , პარლამენტი, რა თქმა უნდა, კანონმდებლობის თანახმად განიხილავს ამ კანდიდატურას. ადრეც გითხარით და ახლაც გეუნებით, რომ უმრავლესობის მხრიდან ირაკლი შოთაძეს პარლამენტში მხარდაჭერა ექნება“, - განაცხადა თალაკვაძემ.

შეგახსენებთ, რომ საპროკურორო საბჭომ საქართველოს გენერალური პროკურორის ვაკანტურ თანამდებობაზე ფარული კენჭისყრით ირაკლი შოთაძის კანდიდატურა აირჩია. საპროკურორო საბჭომ შოთაძის კანდიდატურა პარლამენტს განსახილველად უნდა წარუდგინოს.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო