აზერბაიჯანში, ვადამდელ საპარლამენტო არჩევნებზე 15:00 საათისთვის ამომრჩეველთა აქტივობამ 39,23% შეადგინა

აზერბაიჯანში ვადამდელი საპარლამენტო არჩევნები მშვიდ ვითარებაში მიმდინარეობს. საერთაშორისო დამკვირვებლების შეფასებით, არჩევნები კანონის დაცვით ტარდება.

ეუთო-ს დამკვირვებლის, ინგო ბიუტნერის განცხადებით, უბნებზე შექმნილი მდგომარეობა საარჩევნო კოდექსს შეესაბამება. ეუთო-ს საპარლამენტო ასამბლეის წარმომადგენლის, ნეტ პერის თქმით კი, ხმის მიცემის პროცესში დაბრკოლებებს ადგილი არ ჰქონია.

აზერბაიჯანის ცენტრალური საარჩევნო კომისიის ინფორმაციით, 15:00 საათისთვის საარჩევნო უბნებზე ამომრჩეველთა აქტივობამ 39,23% შეადგინა.

აზერბაიჯანში რიგგარეშე საპარლამენტო არჩევნები ადგილობრივი დროით 08:00 საათზე დაიწყო. არჩევნები 5573 საარჩევნო უბანზე ტარდება. ქვეყანაში დარეგისტრირებულია 5.3 მილიონი ამომრჩეველი. მილი მეჯლისის 125 მანდატისთვის 1314 კანდიდატი იბრძვის. საკუთარი არჩევანი დააფიქსირა აზერბაიჯანის პრეზიდენტმა, ილჰამ ალიევმა. არჩევნებს აკვირდება 77 ათასი ადგილობრივი და 850-ზე მეტი საერთაშორისო დამკვირვებელი.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ