პარლამენტის თავმჯდომარე არჩილ თალაკვაძე აშშ-ში, ფილადელფიაში, თანამემამულეებთან ერთად დავითობის წირვას და საზეიმო ტრაპეზს დაესწრო. ამის შესახებ "ინტერპრესნიუსს" საქართველოს პარლამენტის პრესსამსახურიდან აცნობეს.

"ემიგრაციაში მყოფ ქართველებთან შეხვედრა ჩემთვის ყოველთვის სასიხარულოა. მადლობას გიხდით თითოეულს, ასე რომ უფრთხილდებით ქართულ ენას, კულტურას და შვილებს სამშობლოს სიყვარულით ზრდით. მადლობას გიხდით მასპინძლობისთვის",- მიმართა არჩილ თალაკვაძემ ქართული დიასპორის წარმომადგენლებს.