დღევანდელ სისტემაშიც დამარცხდებიან - ამ შემთხვევაში ერთმანეთისგან განსხვავებული პარტიები იქნებიან შეჯერებული არა მხოლოდ თამაშის წესებზე, არამედ მაჟორიტარულ კანდიდატებზე,- ამის შესახებ „ევროპული საქართველოს“ ერთ - ერთმა ლიდერმა გიგა ბოკერიამ ოპოზიციის შეხვედრის დაწყებამდე ჟურნალისტებთან საუბრისას განაცხადა.
მისი თქმით, „თუ ივანიშვილი გონს არ მოეგება”, ოპოზიცია მშვიდობიან პროტესტს განაგრძობს.
„თუ ივანიშვილი გონს არ მოეგება და აქედან გამომდინარე, ყველა მისი პოლიტიკური „კლოუნი“, ჩვენ გავაგრძელებთ მწვავე, მაგრამ მშვიდობიან პროტესტს, როგორც აქამდე იყო, ვნახოთ, როგორ გაუძლებენ ამას.
ხომ ამბობენ, რომ დღევანდელ სისტემას დავტოვებთ, ვადამდელს დავნიშნავთ, მაგ სისტემაშიც დამარცხდებიან, ოღონდ ეგ არ იქნება ნორმალური სცენარი, ამ შემთხვევაში ერთმანეთისგან განსხვავებული პარტიები იქნებიან შეჯერებული არა მხოლოდ თამაშის წესებზე, არამედ მაჟორიტარულ კანდიდატებზე, იქ, სადაც ეს საჭიროა“, - განაცხადა ბოკერიამ.