ლევან ცხადაძე - ავიაციის სფეროში ჩეხეთი საქართველოს მნიშვნელოვანი პარტნიორია

ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ დირექტორის მოადგილის ხელმძღვანელობით, პრაღაში ქართულმა დელეგაციამ ჩეხეთის საავიაციო სფეროს სექტორთან შეხვედრები გამართა. დელეგაციაში, რომელსაც ლევან ცხადაძე ხელმძღვანელობდა, ,,საქართველოს აეროპორტების გაერთიანების“, სსიპ სამოქალაქო ავიაციის სააგენტოსა და ქუთაისის საერთაშორისო აეროპორტის წარმომადგენლები შედიოდნენ.

როგორც „ინტერპრესნიუსს“,,საქართველოს აეროპორტების გაერთიანებიდან“ აცნობეს, პრაღაში ვიზიტი საქართველოში ჩეხეთის რესპუბლიკის საელჩოს ორგანიზებით შედგა. ჩეხეთის მრეწველობისა და ვაჭრობის სამინისტროში შეხვედრებზე საუბარი შეეხო ორ ქვეყანას შორის ეკონომიკური თანამშრომლობის გაღრმავებას. ლევან ცხადაძის განცხადებით, ავიაციის სფეროში გამოცდილების გაზიარების კუთხით ჩეხეთის რესპუბლიკა საქართველოს მნიშვნელოვან დახმარებას სთავაზობს.

,,შეხვედრები გავმართეთ, როგორც სახელმწიფო სტრუქტურებთან, ისე კერძო სექტორთან. ასევე, ადგილზე გავეცანით ვაცლავ ჰაველის სახელობის პრაღის აეროპორტის ოპერირების სპეციფიკას. ავიაციის მიმართულებით ჩეხური გამოცდილება ჩვენთვის ძალიან მნიშვნელოვანია. სანავიგაციო და ტექნოლოგიური კუთხით ჩეხეთთან რამდენიმე მიმდინარე პროექტი გვაქვს,-‘’განაცხადა ,,საქართველოს აეროპორტების გაერთიანების“ დირექტორის მოადგილე ლევან ცხადაძემ.

ვიზიტის ფარგლებში ქართულმა დელეგაციამ შეხვედრები გამართა საავიაციო დარგის წამყვან კომპანიებთან, როგორიცაა: Transcon, ERA, Vaclav Havel Airport Prague, ICZ და Czechoslovak Group.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა