საგარეო საქმეთა მინისტრის პირველი მოადგილე ვახტანგ მახარობლიშვილი ევროკავშირ-საქართველოს საპარლამენტო ასოციაციის კომიტეტში სიტყვით გამოვიდა

საქართველოს საგარეო საქმეთა მინისტრის პირველი მოადგილე ვახტანგ მახარობლიშვილი ევროკავშირ-საქართველოს საპარლამენტო ასოციაციის კომიტეტში სიტყვით გამოვიდა. ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათი ინფორმაციით, თავის გამოსვლაში მახარობლიშვილმა ხაზი გაუსვა საქართველოს მიერ ასოცირების შეთანხმების შესრულების შესახებ ევროპარლამენტის ანგარიშის მნიშვნელობას. გამოსვლისას, მინისტრის მოადგილემ ისაუბრა საქართველოს მიერ ასოცირების შეთანხმების შესრულების შესახებ ევროკომისიის ყოველწლიური ანგარიშზე.

ანგარიშში ხაზგასმულია, რომ საქართველოს მტკიცე ერთგულება ევროინტეგრაციასთან მიმართებაში კვლავ პრიორიტეტად რჩება, ასევე საქართველო რეგიონში ევროკავშირის მთავარ პარტნიორად მოიაზრება. ანგარიში ასოცირების შეთანხმებისა და DCFTA–ს შესრულების მიზნით საქართველოს მიერ გადადგმული ნაბიჯების შესახებ სრულფასოვან ინფორმაციას მოიცავს. ამასთან, მოცემულია მთელი რიგი გამოწვევები, რომელთა მიმართებაშიც საქართველომ დამატებით ძალისხმევას უნდა მიმართოს, ხელშეკრულებით გათვალისწინებული დანარჩენი ვალდებულებების შესრულების მიზნით.

„ჩვენს სრულად ვაცნობიერებთ, რომ ასოცირების შესახებ შეთანხმების იმპლემენტაცია საკვანძოა ევროკავშირთან საქართველოს ინტეგრაციისთვის. ხელშესახები პროგრესის მიუხედავად, გასაკეთებელი ჯერ კიდევ ბევრია, რათა ევროკავშირსა და საქართველოს შორის ღრმა და ყოვლისმომცველი თავისუფალი სავაჭრო სივრცე სრულად ამოქმედდეს“, -განაცხადა მახარობლიშვილმა.

საპარლამენტო ასოციაციის კომიტეტში გამოსვლისას მინისტრის მოადგილემ ყურადღება გაამახვილა აღმოსავლეთ პარტნიორობის ფორმატში თანამშრომლობაზე.

მან აღნიშნა, რომ აღმოსავლეთ პარტნიორობამ ხელი შეუწყო სამართლებრივი ჩარჩოების განახლებას, ღრმა და ყოვლისმომცველი თავისუფალი ვაჭრობის სივრცის შექმნას, ასევე უვიზო რეჟიმის ამოქმედებას, ხელმისაწვდომი გახადა განათლების სისტემები, გააღრმავა ენერგეტიკისა და სხვა სფეროებში თანამშრომლობა.

მახარობლიშვილმა ხაზი გაუსვა, რომ აღმოსავლეთ პარტნიორობის ეფექტურ და შედეგზე ორიენტირებულ ფორმატად დარჩენის მიზნით, საჭიროა მოქნილი, დინამიური და წინდახედული მიდგომა.

„ჩვენ ვაცნობიერებთ, რომ აღმოსავლეთ პარტნიორობა არ ეხება ევროკავშირში გაწევრიანებას, თუმცა, ფორმატი წარმოადგენდა ინტეგრაციის მძლავრ ინსტრუმენტს. ჩვენი აზრით, აღმოსავლეთ პარტნიორობის შემდეგი ამბიციური მიზანი შესაძლოა იყოს ევროკავშირის ერთიან ბაზარზე ეტაპობრივი და სრული წვდომა. აუცილებელია, რომ ევროკავშირმა აღიაროს, რომ იმ ასოცირებულ ქვეყნებს, რომლებიც ევროპული ნორმებით და ფასეულობებით ხელმძღვანელობენ, რომლებიც ასრულებენ თავიანთ სახელშეკრულებო ვალდებულებებს და ვითარდებიან როგორც კონსოლიდირებული დემოკრატიები, აქვთ უფლება ჰქონდეთ მომავალი ევროკავშირში“, - განაცხადა მახარობლიშვილმა.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ