დავით ბაქრაძე - ჩვენი გეგმები დარჩენილ 8 თვეში ოქტომბრის არჩევნების მოგებას ემსახურება

მთელი ჩვენი გეგმები ამ დარჩენილ 8 თვეში ემსახურება ამოცანას - ოქტომბრის არჩევნების მოგებას, - ამის შესახებ „ევროპული საქართველოს" ლიდერმა, დავით ბაქრაძემ ოპოზიციის გეგმებზე საუბრისას განაცხადა.

მისი თქმით, ოქტომბრამდე მათი ყველა ნაბიჯი ემსახურება ამოცანას - შეიქმნას ენერგიისა და ტალღის მაქსიმუმი ოქტომბრის არჩევნებზე, რომლითაც „ქართულ ოცნებას“ დაამარცხებენ.

„მთელი ჩვენი გეგმები ამ დარჩენილ 8 თვეში ემსახურება ამოცანას - ოქტომბრის არჩევნების მოგებას. შესაბამისად, ჩვენ გაწერილი გვაქვს აქტივობები, უახლოეს პერიოდში საზოგადობა ნახავს და მათთან ერთად პარლამენტის წინ ძალიან მწვავე საპროტესტო აქციები გვექნება. ასევე გვექნება გასვლები რეგიონებში და მათ შორის ხალხთან შეხვედრაც, აქციებიც რეგიონში. პირველი დიდი აქცია, რომელიც ამ 8- თვიან გაწერილ პროცესში იქნება, 4 აპრილის აქციაა, სადაც ძალიან ბევრ ადამიანს ველით. ოპოზიცია საზოგადოებას გააცნობს კონკრეტულ ნაბიჯებსა და გეგმას, რას გავაკეთებთ შემდეგი დარჩენილი თვეების განმავლობაში და გააცნობს უკვე შეთანხმებულ კანდიდატებს, იმ ადამიანებს, ვინც ოპოზიციის სახელით იბრძოლებს და წელს „ქართულ ოცნებას“ აუცილებლად დაამარცხებს“, - აღნიშნა დავით ბაქრაძემ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია