დავით ჭიჭინაძე - არ ვაპირებ ისეთ კონსულტაციებში მივიღო მონაწილეობა, რომელიც ოპოზიციის თამაშგარეთ დატოვებას და ხელისუფლების თამაშს გულისხმობს

მე არ ვაპირებ მონაწილეობა მივიღო ისეთ კონსულტაციებში, რომელიც ოპოზიციის თამაშგარეთ დატოვებას და ხელისუფლების თამაშს გულისხმობს, - ასე ეხმაურება პოლიტიკური მოძრაობა, „ტრიბუნას“, ლიდერი დავით ჭიჭინაძე, „ქართული ოცნების“ ხელისუფლების მიერ დამოუკიდებელი დეპუტატების კონსულტაციებზე მიწვევას.

დავით ჭიჭინაძის თქმით, „ქართულმა ოცნებამ“ ოპოზიციასთან მოლაპარაკების ყველა ხიდი ჩატეხა.

„ქართული ოცნება“ ხვდება, რომ პრაქტიკულად ყველა ხიდი ჩატეხა ოპოზიციასთან, ვისთანაც სხვადასხვა ევროპელი დიპლომატების მეშვეობით საუბრობდა და ამიტომ ცდილობს დღეს მსგავსი კონსულტაციების ორგანიზებას, მაგრამ მე არ ვთვლი, რომ დამოუკიდებელი დეპუტატები უნდა გახდნენ ვიღაცის ან რაღაცის ჩამნაცვლებლები.ეს „ოცნების“ პრობლემაა. დეპუტატისთვის კი, დამაფიქრებელი და წყალგამყოფი უნდა გახდეს მათი გადაწყვეტილება.

ამას გარდა, ყოველთვის ვამბობდი, რომ „ქართული ოცნება“, დღეს, დაკომპლექტებულია ყოფილი „ნაცებით“ , ამიტომ თუ რამეს ერთმანეთში ვერ იყოფენ, ვუსურვებდი ისევ ერთმანეთში მოგვარდნენ. ჩემი ადგილი კი, მათ მოლაპარაკებაში ნამდვილად არ არის, იმიტომ რომ, მათი გაფუჭებული საქმე ჩემი გასასწორებელი არ არის“, - განაცხადა დავით ჭიჭინაძემ.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის