თბილისში დიდი ოდენობით უაქციზო თუთუნი გამოავლინეს
თბილისში დიდი ოდენობით უაქციზო თუთუნი გამოავლინეს. ამის შესახებ „ინტერპრესნიუსს“ საქართველოს ფინანსთა სამინისტროს შემოსავლების სამსახურიდან აცნობეს.
უწყების ინფორმაციით, 7 -13 თებერვალს, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის ადმინისტრაციულ სამართალდარღვევათა გამოვლენის სამმართველოს თანამშრომლების მიერ, თბილისის ადმინისტრაციულ-ტერიტორიული ერთეულების ფარგლებში, სულ ამოღებული იქნა აქციზური მარკებით სავალდებულო ნიშანდებას დაქვემდებარებული 180 კგ. და 350 გრ. უაქციზო თუთუნი.
მათი ინფორმაციით, 4 შემთხვევაში გამოვლენილია ადმინისტრაციული სამართალდარღვევის ფაქტი, რის შედეგადაც ამოღებულია 22,35 კგ. უაქციზო თუთუნი, ხოლო 3 შემთხვევაში, გამოიკვეთა სისხლის სამართლის დანაშაული, რის შედეგადაც ამოღებული იქნა 158 კგ. უაქციზო თუთუნი.
v-if="article.gallery" v-html="article.gallery"
