დავით ზალკალიანი - აშშ-სთან ვსაუბრობთ ჩვენი ეკონომიკური ურთიერთობების იმ დონეზე აყვანაზე, რა დონეც გვაქვს თავდაცვისა და უსაფრთხოების სფეროში

მოსაზრება საქართველოში ამერიკული ბიზნესის შევიწროების შესახებ აბსოლუტურად არ შეესაბამება რეალობას. 270-ზე მეტი ამერიკული კომპანიაა საქართველოში დარეგისტრირებული და არცერთი კომპანიის მხრიდან მსგავსი სახის პრეტენზიები არ არსებობს, - ამის შესახებ საქართველოს საგარეო საქმეთა მინისტრმა, დავით ზალკალიანმა კომპანია Frontera Resources-ის საკითხზე ამერიკელი კონგრესმენის წერილის კომენტირებისას განაცხადა.

მინისტრის განცხადებით, Frontera Resources-ის საქმეს განიხილავს სტოკჰოლმის საარბიტრაჟო სასამართლო და ყოველგვარი სპეკულაციები ამ თემასთან დაკავშირებით, მიუღებელია. მისივე თქმით, ქართული მხარე იმოქმედებს სასამართლოს გადაწყვეტილების შესაბამისად.

„აშშ-სთან ვსაუბრობთ ჩვენი ეკონომიკური ურთიერთობების იმ დონეზე აყვანაზე, რა დონეც გვაქვს თავდაცვისა და უსაფრთხოების სფეროში. ვსაუბრობთ თავისუფალი ვაჭრობის შესაძლებლობების გახსნის პერსპექტივაზე. მერწმუნეთ, არანაირ სანქციებზე საუბარი არ არის და არც იქნება მომავალში. ყველაფერი გაკეთდება იმისათვის, რომ ჩვენს სტრატეგიულ პარტნიორობას საფრთხე არ დაემუქროს“, - განაცხადა ზალკალიანმა.

საგარეო საქმეთა სამინისტროს ინფორმაციით, 14-16 თებერვალს, საქართველოს საგარეო საქმეთა მინისტრი დავით ზალკალიანი ვიზიტით გერმანიის ფედერაციულ რესპუბლიკაში იმყოფება, სადაც მონაწილეობს მიუნხენის საერთაშორისო უსაფრთხოების 56-ე კონფერენციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს