დიღომში ქვესადგურის დატბორვის გამო, მოსახლეობას ელექტროენერგია არ მიეწოდება

დიღომში ქვესადგურის დატბორვის გამო, მოსახლეობას ელექტროენერგია არ მიეწოდება. როგორც „ინტერპრესნიუსს“ კომპანია „თელასში“ განუცხადეს, წინასწარი ინფორმაციით, ტერიტორიაზე წყლის მილი დაზიანდა, რამაც ქვესადგურის დატბორვა გამოიწვია.

კომპანიაში აცხადებენ, რომ ადგილზე ამოტუმბვითი სამუშაოები მიმდინარეობს და ჯერჯერობით უცნობია, ზუსტად როდის აღუდგებათ დიღმის მცხოვრებლებს ელეტროენერგიის მიწოდება.

„დღეს 20:30 წუთზე ჩვენი მაღალი ძაბვის ქვესადგური, „დიღომი 1“ დაიტბორა, რომელიც კვებავს დიღმის დასახლების 18 ათას მომხმარებელს. წინასწარი ინფორმაციით, როგორც ჩვენ ვიცით, „ჯორჯიან უოთერ ენდ ფაუერის“ მილი გასკდა, ამიტომ დაიტბორა. თავიდან რომ აცილებულიყო ავარიული სიტუაციის შექმნა, კომპანიის ხელმძღვანელობამ მიიღო გადაწყვეტილება, რომ ქვესადგური გამოერთო, იმიტომ რომ კრიტიკული სიტუაცია შეიქმნა. მიმდინარეობს იქ ამოტუმბვითი სამუშაოები და მოგვიანებით გახდება ცნობილი, როდის მიეწოდებათ მომხმარებლებს ელექტროენერგია. მაგრამ ჩვენი სპეციალისტები მუშაობენ, რომ მოხდეს სასიცოცხლოდ მნიშვნელოვანი ობიექტებისთვის, იქ არის ბევრი საავადმყოფო, ალტერნატიული მიმართულებებიდან ელექტროენერგიის მიწოდება. რაც შეეხება მოსახლეობისთვის ელექტროენერგიის აღდგენას, ეს 1 საათში გახდება ცნობილი, როდის მოხდება მთლიანი ტერიტორიის ამოტუმბვა, რომ ქვესადგურის მუშაობა უსაფრთხო იყოს“,- განაცხადეს კომპანიაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს