ირაკლი შოთაძე არის ღირსეული პროფესიონალი, - ასე შეაფასა პრემიერ-მინისტრმა გიორგი გახარიამ გენერალური პროკურორობის კანდიდატი ირაკლი შოთაძე.
გახარია ცოტა ხნის წინ საკანონმდებლო ორგანოში მივიდა, სადაც აქციის მონაწილეების შეძახილების ფონზე შევიდა.
პრემიერმა გენერალური პროკურორიბის კანდიდატთან დაკავშირებით მედიასთან მცირე კომენტარი გააკეთა.
"ირაკლი შოთაძე არის ღირსეული პროფესიონალი, რომელსაც ხშირად შეუძლია მძიმე გადაწყვეტილების მიღება და პასუხისმგებლობის აღება", - განაცხადა გახარიამ.
გიორგი გახარია და მინისტრთა კაბინეტის სხვა წევრები პარლამენტში ცოტა ხნის წინ მივიდნენ. ისინი პარლამენტის საქმიანობის შესახებ საკანონმდებლო ორგანოს სპიკერის, არჩილ თალაკვაძის წლიურ მოხსენებას დაესწრებიან.