მალხაზ მაჩალიკაშვილმა თემირლან მაჩალიკაშვილის საქმეზე დროებითი საგამოძიებო კომისიის შექმნის მოთხოვნით, ხელმოწერების შეგროვება განაახლა
მალხაზ მაჩალიკაშვილმა მისი შვილის, თემირლან მაჩალიკაშვილის მკვლელობის საქმეზე, პარლამენტში დროებითი საგამოძიებო კომისიის შექმნის მოთხოვნით, მეტრო „რუსთაველთან“ ხელმოწერების შეგროვება დაიწყო.
მაჩალიკაშვილის თქმით, ხელმოწერებს ყველა მეტროსადგურთან შეაგროვებენ.
„დღეიდან განახლდება ხელმოწერების შეგროვება იმის მოთხოვნით, რომ შეიქმნას პარლამენტში დროებითი საგამოძიებო კომისია. იმედია ამჟამად მეტროსაც არ ჩაკეტავენ.
აპრილიდან ამაში ჩაერთვება ყველა ოპოზიციური პარტიის ახალგაზრდული ჯგუფი, ქისტი მოსახლეობის ახალგაზრდების ჯგუფი და ასევე ჩამოდის ინგუშეთიდან და ჩეჩნეთიდან 2 ახალგაზრდული ჯგუფი, რომ ისინიც ჩაერთონ ამ საქმეში და იმუშაონ. ჩვენ ყველაფერს გავაკეთებთ იმისათვის, რომ პარლამენტში შეიქმნას დროებითი საგამოძიებო კომისია და ყველაფერ ამას დაერქვას თავისი სახელი, რასაც მე გავდივარ უკვე 3 წელია. იმედია, როდესმე ამ ჯოჯოხეთს დასასრული ექნება და დაისჯება ყველა ის ადამიანი, რომელიც არის თემირლან მაჩალიკაშვილის საქმეში, მის სისხლში გარეული,” - განაცხადა მალხაზ მაჩალიკაშვილმა.
იხილეთ ვიდეო: მალხაზ მაჩალიკაშვილმა ხელმოწერების შეგროვება განაახლა
