თბილისის ინფექციურ საავადმყოფოში ირანის 4 მოქალაქე მოათავსეს

თბილისის ინფექციურ საავადმყოფოში ირანის 4 მოქალაქე მოათავსეს. ამის შესახებ „ინტერპრესნიუსს“ თბილისის ინფექციური საავადმყოფოს გენერალურმა დირექტორმა თენგიზ ცერცვაძემ განუცხადა. მისი თქმით, ირანის მოქალაქეები კლინიკაში რამდენიმე წუთის წინ შევიდნენ. თენგიზ ცერცვაძის ინფორმაციით, თბილისის აეროპორტში ჩამოსვლისას სავალდებულო შემოწმების დროს მათ მომატებული ტემპერატურა დაუფიქსირდათ.

„კლინიკაში რამდენიმე წუთის წინ მოიყვანეს ირანის 4 მოქალაქე, რომელიც ჩამოსულია ირანიდან. ერთი არის ახალგაზრდა ქალი, სამი - ახალგაზრდა ვაჟი. ოთხივე მათგანი აეროპორტში სტანდარტულად შეამოწმეს და დაუფიქსირდა მომატებული ტემპერატურა. ახლა იწყებენ გამოკვლევებს, მათ ჩაუტარდებათ ყველა გამოკვლევა და პასუხი შემდეგ გვეცოდინება“, - განაცხადა თენგიზ ცერცვაძემ.

რაც შეეხება ინფექციური საავადმყოფოში გუშინ შეყვანილ ირანის 3 მოქალაქეს, თენგიზ ცერცვაძის ინფორმაციით, მათ კორონავირუსი არ დაუდასტურდათ და ისინი უკვე გაწერეს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით