ირაკლი სესიაშვილი - იმედი მაქვს, რომ ახალგაზრდის გათავისუფლება მალე მოხდება

რუსეთმა მგონი ისწავლა, რომ ჩვენ მარტო არ ვართ და ჩვენს გარშემო არიან ძალიან ძლიერი და ერთგული სახელმწიფოები. მე იმედი მაქვს, რომ ახალგაზრდა ყმაწვილის გათავისუფლება მალე მოხდება, - ამის შესახებ პარლამენტის თავდაცვის და უშიშროების კომიტეტის თავმჯდომარე ირაკლი სესიაშვილმა ჟურნალისტებს სოფელ კირბალთან საოკუპაციო რეჟიმის მიერ საქართველოს მოქალაქის გატაცებასთან დაკავშირებით განაცხადა.

მისი თქმით, ყველა მსგავს ფაქტზე ქვეყანა მუშაობს როგორც ცხელი ხაზის მეშვეობით, ასევე მაქსიმალურად ხდება საერთაშორისო თანამეგობრობის ჩართვა.

"რამდენიმე დღის წინ გაიხსნა ძალიან მძიმე საქმე, რომელიც შეეხებოდა საქართველოზე, როგორც სახელმწიფოზე რუსულ აგრესიას, გამოვლინებულს ჰიბრიდული მეთოდებით, კიბერშეტევა განხორციელდა საქართველოზე. რუსეთი აგრძელებს მავთულხლართების გაბმას, ადამიანის უფლებების უხეშ შელახვას, ადამიანების გატაცებას, რაც არის რუსეთის მხრიდან პროვოკაცია, მიმართული საერთაშორისო სამართლის, ცივილიზებული სამყაროს წინააღმდეგ. საქართველო არ არის მარტო, გვერდში უდგას მთლიანად დასავლეთი. მთელი ცივილიზებული სამყარო აღიარებს ჩვენი ქვეყნის ტერიტორიულ მთლიანობას. რა თქმა უნდა, ჩვენ ყველა ასეთ მძიმე ფაქტზე ვმუშაობთ როგორც ცხელი ხაზის მეშვეობით, ასევე მაქსიმალურად ვრთავთ ჩვენს საერთაშორისო თანამეგობრობას. რუსეთმა მემგონი ისწავლა, რომ ჩვენ მარტო არ ვართ და ჩვენს გარშემო არიან ძალიან ძლიერი და ერთგული სახელმწიფოები და ლიდერები. მე იმედი მაქვს, რომ ახალგაზრდა ყმაწვილის გათავისუფლება მალე მოხდება",- განაცხადა ირაკლი სესიაშვილმა.

ცნობისთვის, 17 წლის მოზარდი საოკუპაციო ძალების წარმომადგენლებმა გამყოფ ხაზთან მდებარე სოფელ კირბალის მიმდებარედ დააკავეს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით