ქსელის გეგმური სარეაბილიტაციო სამუშაოების გამო, 24 თებერვალს 10:00-დან 18:30 საათამდე ელექტროენერგიის მიწოდება შეეზღუდება აბონენტებს თბილისის მუნიციპალიტეტის მიმდებარე ტერიტორიაზე წოდორეთში, მსხალდიდში, ზემო ლისზე, შვინდების მიწაზე და მიმდებარედ, 10:00-დან 13:00 საათამდე აბონენტებს მცხეთის რაიონის სოფლებში ნატახტარი, ახალუბანი, წილკანი, სელექცია და მიმდებარე სოფლებში. ამის შესახებ „ინტერპრესნიუსს“ კომპანია „ენერგო-პრო ჯორჯია“-დან აცნობეს.
მათი ინფორმაციით, სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება.
