„ახალი საქართველოს“ ლიდერი გიორგი ვაშაძე განცხადებას ავრცელებს. ვაშაძე ტელეკომპანია “მთავარი არხის“ ეთერში გასულ Ipsos-ის კვლევებს ეხმაურება და განმარტავს, თუ რატომ ვერ მოხვდა კვლევაში პარტია „ახალი საქართველო“.
"უამრავი ადამიანი მიკავშირდება Ipsos-ის კვლევებთან დაკავშირებით, რომელიც „მთავარი არხის“ ეთერში გავიდა თუ რატომ ვერ მოხვდა "გიორგი ვაშაძე - ახალი საქართველო" კვლევაში. როგორც კვლევის ავტორებმა განმარტეს, 29% დაუფიქსირდა არა ერთ კონკრეტულ სუბიექტს "ნაციონალურ მოძრაობას", არამედ გაერთიანებულ ოპოზიციაში "ძალა ერთობაშია" შემავალ სუბიექტებს ერთად, მათ შორის "ახალ საქართველოს". შესაბამისად კვლევაში ცალკე "ახალი საქართველო" როგორც სუბიექტი შეტანილი არ ყოფილა. ჩვენი კვლევაში არმოხვედრა გამოწვეულია არა იმით, რომ შესაბამისი პროცენტი ვერ მივიღეთ და კვლევამ ვერ ასახა, არამედ იმით, რომ "ახალი საქართველო" „ნაციონალურ მოძრაობასთან“ და სხვა სუბიექტებთან ერთად წარმოადგენს გაერთიანებულ ოპოზიციას "ძალა ერთობაშია“, - აცხადებს გიორგი ვაშაძე.