დავით უსუფაშვილი - მერაბიშვილთან არც რამე სალაპარაკო მაქვს და არც მოსალაპარაკებელი
მე მერაბიშვილთან არც სალაპარაკო მაქვს რამე და არც მოსალაპარაკებელი, - ამის შესახებ პარტია “ლელო საქართველოსთვის” წევრმა, დავით უსუფაშვილმა ოპოზიციის მოლაპარაკებებში ვანო მერაბიშვილის შესაძლო მონაწილეობასთან დაკავშირებით განაცხადა.
როგორც უსუფაშვილმა ჟურნალისტებს განუცხადა, მაგიდის გარშემო ერთმანეთის კონკურენტები არიან.
“მე მერაბიშვილთან არც სალაპარაკო მაქვს რამე და არც მოსალაპარაკებელი. შალვას ოთხკუთხედი მაგიდის გარშემო ვინც ვსხედვართ, იქ უმეტესობა ერთმანეთის კონკურენტები ვიყავით და ხვალაც კონკურენტები ვიქნებით, მე იქ არავინ შემირჩევია - ვინ მომწონს და ვინ არ მომწონს... მე გეუბნებით, მე პირადად ვანო მერაბიშვილთან არც სალაპარაკო მაქვს, არც მოსალაპარაკებელი. თვითონ ახლა არის დანაშაულისთვის სასჯელმოხდილი მოქალაქე, რომელსაც აქვს სრული თავისუფლება, აკეთოს ის, რაც მოუნდება”, - განაცხადა უსუფაშვილმა.
ცნობისთვის, ე.წ. მატროსოვის ციხის დატოვების შემდეგ ყოფილმა პრემიერ-მინისტრმა, ვანო მერაბიშვილმა განაცხადა, რომ აქტიურ პოლიტიკაში ერთვება.
v-if="article.gallery" v-html="article.gallery"
