ზაზა ვაშაყმაძე - ოკუპირებულ ტერიტორიებზე რელიგიის თავისუფლების მიმართულებით მდგომარეობა უკიდურესად რთულია

რელიგიის საკითხთა სახელმწიფო სააგენტომ 2018-2019 წლების ანგარიში წარადგინა. როგორც სააგენტოს თავმჯდომარემ ზაზა ვაშაყმაძემ ჟურნალისტებთან საუბრისას განაცხადა, ანგარიშში ყურადღება გამახვილებულია რამდენიმე მნიშვნელოვან საკითხზე, მათ შორის ოკუპირებულ ტერიტორიებზე არსებულ მდგომარეობაზე.

“ოკუპირებულ ტერიტორიებზე ხდება ქართული ისტორიული მემკვიდრეობების კვალის წაშლა. ოკუპირებულ ტერიტორიებზე რელიგიის თავისუფლების მიმართულებით მდგომარეობა უკიდურესად რთულია და დარღვეულია ეროვნებით ქართველების და აღმსარებლობით მართმადიდებლების რელიგიის, გამოხატვის, მშობლიურ ენაზე განათლებისა და თავისუფლად გადაადგილების უფლება. მეორე ძირითადი საკითხია სამთავრობო-სამოქმედო გეგმის ფარგლებში განხორციელებული ვალდებულებები, რაც სააგენტოს გააჩნია. ძალიან ბევრი რამ გაკეთდა, დაწყებული ინტერრელიგიური დიალოგის დაწყებით, დამთავრებული რელიგიური ლიდერების ცნობიერების ამაღლებით. ახალი პროექტია დაწყებული სახელმწიფო პირების სახელმწიფო ენის პროგრამაში ჩართვა. იყო შემთხვევები, როდესაც სასულიერო პირები ვერ ფლობდნენ კარგად ქართულ ენას. ამ პროგრამაში ჩაერთო ჯერ მუსლიმი თემი, შემდეგ სომხური ეკლესია და ასევე გრძელდება მისი განხორციელება. მესამე ძირითადი საკითხი არის რელიგიის საკითხთა სააგენტოსთან არსებული ინტერრელიგიური სათათბირო. აქ წარმოდგენილია როგორც მართლმადიდებლური ეკლესია, ასევე საქართველოში არსებული რელიგიური უმცირესობები და ისინი ერთ ფორმატში სხედან და კარგია ის, რომ პირდაპირი დიალოგი არსებობს რელიგიებს შორის, რაც ხელს უწყობს ტოლერანტული გარემოს შექმნას”, -განაცხადა ზაზა ვაშაყმაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს