თბილისის ინფექციურ საავადმყოფოში ცოტა ხნის წინ საქართველოს 2 მოქალაქე შეიყვანეს

თბილისის ინფექციური საავადმყოფოს გენერალური დირექტორის, თენგიზ ცერცვაძის განცხადებით, ინფექციურ საავადმყოფოში საქართველოს 2 მოქალაქე შეიყვანეს.

როგორც ცერცვაძემ ჟურნალისტებს განუცხადა, ამ პაციენტებს გამოკვლევებისთვის მასალას ხვალ დილით აუღებენ და პასუხი, სავარაუდოდ, დღის მეორე ნახევარში იქნება ცნობილი.

„2 პაციენტი შემოვიდა ახლახანს და მათ გამოკვლევა ჯერ ჩატარებული არ აქვთ, გამოკვლევისთვის მასალას აუღებენ ხვალ დილით და ხვალ დღის მეორე ნახევარში იქნება პასუხი. ისინი საქართველოს მოქალაქეები არიან, რომლებიც იყვნენ ირანში. სავარაუდოდ, მათ არ უნდა ჰქონდეთ ინფექცია იმიტომ, რომ მათ ირანი დატოვეს 11 და 12 თებერვალს“, - განაცხადა ცერცვაძემ.

შეგახსენებთ, საქართველოში კორონავირუსის პირველი შემთხვევა დღეს დაფიქსირდა. ჯანდაცვის მინისტრის ინფორმაციით, ვირუსი დაუდგინდა საქართველოს მოქალაქეს, რომელიც შემოვიდა აზერბაიჯანის გავლით ირანიდან. პაციენტი ინფექციურ საავადმყოფოშია მოთავსებული.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 30.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„დრიმლენდ ოაზისი ჩაქვის“ დამფუძნებლების გადაწყვეტილებით, სასტუმრო სრული მომსახურების პაკეტით უსასყიდლოდ გადაეცა სახელმწიფოს საკარანტინე მიზნებისთვის, სამშობლოში დაბრუნებული მოქალაქეების განსათავსებლად
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის