დონალდ ტრამპის საარჩევნო შტაბი „ნიუ-იორკ თაიმსს“ უჩივის

დონალდ ტრამპის საარჩევნო გუნდმა გამოცემა „ნიუ-იორკ თაიმსის“ წინააღმდეგ სარჩელი შეიტანა, - ამის შესახებ ინფორმაციას „როიტერსი“ ავრცელებს.

სააგენტოს ცნობით, ტრამპის საარჩევნო შტაბი გამოცემას იმ სტატიის გამოქვეყნების გამო უჩივის, რომელშიც აღნიშნულია, რომ 2016 წლის არჩევნების დროს ტრამპის საარჩევნო გუნდსა და რუსეთის ხელისუფლებას შორის გარიგება შედგა.

სარჩელში აღნიშნულია, რომ გამოცემა მიკერძოებულია და ტრამპის საარჩევნო შტაბის მიმართ მტრული დამოკიდებულება აქვს და რომ ის „შეუსაბამო ზეგავლენას ახდენს 2020 წლის ნოემბრის საპრეზიდენტო არჩევნებზე“.

„სარჩელის მიზანია, გაზეთმა პასუხი აგოს პრეზიდენტ ტრამპის საარჩევნო შტაბის წინააღმდეგ გამიზნულად გამოქვეყნებული ცრუ განცხადებების გამო,“- აღნიშნულია ტრამპის საარჩევნო გუნდის მიერ გავრცელებულ განცხადებაში.

ცნობისათვის, საქმე ეხება 2019 წლის 7 მარტს „ნიუ-იორკ თაიმსში“ გამოქვეყნებულ მაქს ფრანკელის სტატიას, სადაც აღნიშნულია, რომ 2016 წლის არჩევნების დროს ტრამპის საარჩევნო გუნდსა და რუსეთის ხელისუფლებას შორის გარიგება შედგა და რუსეთი ტრამპს ჰილარი კლინტონის დამარცხებაში დაეხმარა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა