ავჭალაში, ანდრონიკაშვილის მეორე შესახვევში გზის საფარი მოეწყო

გლდანის რაიონის გამგეობა ინფრასტრუქტურული პროექტების ფარგლებში, სხვადასხვა ქუჩაზე გზის საფარის კაპიტალურ რეაბილიტაციას ახორციელებს. საგზაო სამუშაოები ამჯერად, ავჭალაში, ელეფთერ ანდრონიკაშვილის II შესახვევში ჩატარდა. ამის შესახებ „ინტერპრესნიუსს“ თბილისის მერიიდან აცნობეს.

პროექტის შედეგად, დაახლოებით, 3 200 კვადრატულ მეტრ ფართობზე ასფალტის საფარი დაიგო, მოეწყო ბორდიური და ფეხით სავალი ბილიკები.

სამუშაოებს გლდანის რაიონის გამგებელი ბექა მიქაუტაძე საკრებულოსა და პარლამენტის მაჟორიტარ დეპუტატებთან - შალვა ოგბაიძესთან და კობა კობალაძესთან ერთად გაეცნო.

„გლდანის რაიონში სხვადასხვა ინფრასტრუქტურულ სამუშაოს ვახორციელებთ, რომელთა შორის გზების მოწესრიგება მნიშვნელოვანი მიმართულებაა. დღეს ანდრონიკაშვილის II შესახვევში, რომლის მოსახლეობასაც გზის საფარის არარსებობა წლების განმავლობაში აწუხებდა, ასფალტის საფარის მოწყობა სრულდება. სანამ საგზაო სამუშაოებს დავიწყებდით, კომპანია „ჯორჯიან უოთერ ენდ ფაუერმა“ აღნიშნულ მისამართზე წყლის სისტემა მოაწესრიგა. შემდეგ კი საშუალება მოგვეცა, საგზაო სამუშაოები დაგვეწყო. პროექტის დასრულების შემდეგ, მოსახლეობა მოწესრიგებული ინფრასტრუქტურით ისარგებლებს“, - განაცხადა ბექა მიქაუტაძემ.

სამუშაოების განსახორციელებლად, რომელსაც გლდანის რაიონის გამგეობის დაკვეთით შპს „იბერი“ ასრულებს, ადგილობრივი ბიუჯეტიდან დაახლოებით, 200 000 ლარია გამოყოფილი.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება