თურქეთის პრეზიდენტი რეჯეფ თაიფ ერდოღანი სირიაში, იდლიბის პროვინციაში სამი თურქი ჯარისკაცის დაღუპვის შესახებ იუწყება.

რადიო თავისუფლების ინფორმაციით, ამის შესახებ ადგილობრივი მედია იტყობინება, რომელთა ცნობით, თურქი ჯარისკაცები ავიადარტყმის შედეგად დაიღუპნენ.

თურქეთის თავდაცვის სამინისტრო სირიის სამთავრობი ძალებზე საპასუხო დარტყმის შესახებ იტყობინება და ამტკიცებს, რომ დაიღუპა ასზე მეტი სირიელი სამხედრო.

თავის მხრივ, სირიის საინფორმაციო სააგენტო „სანა“ იუწყება, რომ სირიის ოპოზიციის რაზმებმა თურქეთის არმიის მხარდაჭერით, იდლიბის ქალაქ სარაქიბზე კონტროლი დაიბრუნეს და ალეპოდან დამასკოსკენ მიმავალი გზატკეცილი გადაკეტეს. ეს ინფორმაცია ოფიციალურად არ დასტურდება.

რუსეთის სახელმწიფო ტელევიზიის ინფორმაციით, თურქი სამხედროები და სირიის ოპოზიციის შეიარაღებული მებრძოლები გადასატან საზენიტო-სარაკეტო კომპლექსებს რუსეთისა და სირიის სამთავრობო ძალების თვითმფრინავებზე თავდასხმისთვის იყენებენ.