თურქეთის შინაგან საქმეთა მინისტრის თქმით, თურქეთის საზღვარი ბოლო დღეების მანძილზე დაახლოებით 100 000-მა მიგრანტმა დატოვა. სულეიმან სოილუს განცხადებით, მიგრანტები საბერძნეთის და ბულგარეთის საზღვრებისკენ გადაადგილდებიან.

ინფორმაციას არ ადატურებს საბერძნეთი. მათი თქმით, საზღვრებთან ასობით მიგრანტი იმყოფება.

შეგახსენებთ, თურქეთის პრეზიდენტმა, რეჯეფ ტაიფ ერდოღანმა შაბათს დაადასტურა, რომ ანკარამ მიგრანტებს ევროპისკენ მიმავალი გზა გაუხსნა. აღნიშნული გადაწყვეტილება თურქეთმა მას შემდეგ მიიღო, რაც სირიის იდლიბის პროვინციაში, ბაშარ ალ ასადის ძალებმა და მისმა მოკავშირეებმა 33 თურქი სამხედრო მოკლეს.