„თავისუფალი საქართველოს“ ერთ-ერთი ლიდერი, შოთა მაქაცარია წყალტუბოში სანატორიუმ „საქართველოს“ კედლის ჩამონგრევას ეხმაურება, სადაც აფხაზეთიდან დევნილები არიან შესახლებული.

ამის შესახებ „ინტერპრესნიუსს“ „თავისუფალი საქართველოდან“ აცნობეს.

როგორც პარტიაში აცხადებენ, ხელისუფლება დევნილების მიმართ პასუხისმგებლობას ვერ გრძნობს.

„რამდენიმე დღის წინ იმავე შენობაში, გაუსაძლისი პირობების, შიმშილისა და სიცივისგან ადამიანი გარდაიცვალა. ახლა უკვე საფრთხე ემუქრებათ აქ თავშეფარებულ სხვა პირებსაც. სამწუხაროდ, ხელისუფლება არანაირ პასუხისმგებლობას არ გრძნობს დევნილების მიმართ და არაფერს აკეთებს ტრაგედიების თავიდან ასაცილებლად. ბედის ანაბარად მიტოვებული ადამიანები კი ყოველდღიური შიშის ქვეშ განაგრძნობენ არსებობას.

„თავისუფალი საქართველო“ მოუწოდებს მთავრობას, მიიღოს გადამწყვეტი ზომები უკლებლივ ყველა დევნილი ოჯახის ღირსეული საცხოვრებელი პირობებით უზრუნველყოფისთვის“,- აცხადებს შოთა მაქაცარია.