განმუხურში წყალარინების ახალ ქსელზე ოჯახების ინდივიდუალური დაერთებები სრულდება

საკურორტო ზონებში უსაფრთხო და ჯანსაღი გარემოს შესაქმნელად, წყალარინების (კანალიზაციის) საერთაშორისო სტანდარტების შესაბამისი გამწმენდი ნაგებობები შენდება - ამის შესახებ „ინტერპრესნიუსს“ წყალმომარაგების კომპანიიდან აცნობეს.

მათივე ინფორმაციით, ერთ-ერთი ასეთი ობიექტის მშენებლობა დასრულდა ანაკლიაში. ამ დროისთვის, პროექტის ფარგლებში მიმდინარეობს განმუხურის მოსახლეობის ახალ ქსელზე გადართვითი სამუშაოები, რის შემდეგაც ექსპლუატაციაში შევა ანაკლიის გამწმენდი ნაგებობა.

პროექტის მიმდინარეობას წყალმომარაგების კომპანიის დირექტორი, გიგა მანდარია, სამეგრელო-ზემო სვანეთის გუბერნატორის პირველ მოადგილესთან, დავით ფარცვანიასთან ერთად გაეცნო და უკვე შესრულებული სამუშაოებიც დაათვალიერა.

აღნიშნული ობიექტი, ექსპლუატაციაში შესვლის შემდეგ, ჩამდინარე წყლების წმენდის სრულ ბიოლოგიურ ციკლს განახორციელებს, რაც შეამცირებს შავი ზღვის აუზისა და გარემოს დაბინძურების რისკებს. გამწმენდი ნაგებობა ანაკლიასა და განმუხურში მცხოვრებ 3 000-ზე მეტ ადამიანს და იქ ჩასულ ტურისტებს მოემსახურება.

პროექტს, აზიის განვითარების ბანკის დაფინანსებით, 20 მილიონ ლარზე მეტი მოხმარდა.

წყალარინების გამწმენდი ნაგებობების მიმდინარე და დაგეგმილი პროექტები სრულად პასუხობს საქართველოს მიერ ევროკავშირთან ასოცირების ხელშეკრულების ფარგლებში აღებულ ვალდებულებებს და შესაბამისობაშია ევროკავშირის დირექტივის მოთხოვნებთან ,,ურბანული ჩამდინარე წყლის გამწმენდის შესახებ“, რომლის მიზანია წყალარინების სფეროს განვითარება ქვეყნის მასშტაბით.

იხილეთ ვიდეო: საკურორტო ზონებში ჯანსაღი გარემოს შესაქმნელად წყალარინების გამწმენდი ნაგებობები შენდება

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს