საქართველოს პარლამენტის თავმჯდომარემ ევროკავშირის მიერ მოწვეულ ექსპერტთან, აშშ-ს საელჩოსა და ევროკავშირის დელეგაციის წარმომადგენლებთან საარჩევნო საკითხებზე სამუშაო შეხვედრა გამართა. ამის შესახებ „ინტერპრესნიუსს“ საქართველოს პარლამენტიდან აცნობეს.
მათივე ინფორმაციით, შეხვედრაზე საარჩევნო კოდექსში დაგეგმილი ცვლილებების პროექტი და ინიციატივები განიხილეს, რომელიც ეუთო/ოდირის რეკომენდაციების გათვალისწინებით არის მომზადებული და რომელთა ინიცირებაც სამოქალაქო საზოგადოებასთან და პოლიტიკურ პარტიებთან, ასევე საარჩევნო კომისიასთან და სხვა უწყებებთან მსჯელობის შემდეგ იგეგმება.