დაავადებათა კონტროლის ეროვნული ცენტრის დირექტორის, ამირან გამყრელიძის ინფორმაციით, ადამიანი გამოჯანმრთელებულად ითვლება, თუ მას 24 საათში, ზედიზედ ორჯერ კორონავირუსზე უარყოფითი რეაქცია ექნება.

„მსუბუქი შემთხვევების დროს, დაახლოებით ორი კვირიდან 20 დღემდე საჭიროა სტაციონარული იზოლირება, დაკვირვება და მკურნალობა. მსოფლიო ჯანდაცვის ორგანიზაციის სტანდარტით, გამოჯანმრთელებულად ითვლება ადამიანი, თუ ორჯერ ზედიზედ 24 საათში, მას კორონავირუსზე უარყოფითი რეაქცია ექნება“,-განმარტა გამყრელიძემ.

ცნობისთვის, საქართველოში კორონავირუსის კიდევ 5 ლაბორატორიულად დადასტურებული შემთხვევა გამოვლინდა.

შესაბამისად, ამ დროისთვის ქვეყანაში ახალი კორონავირუსით ინფიცირებულია 9 ადამიანი.