ჯანდაცვის მინისტრის განცხადებით, კერძო ბაღებთან მიმართებით სააღმზრდელო პროცესის შეჩერების მოთხოვნა გამკაცრდება

ჯანდაცვის მინისტრის, ეკატერინე ტიკარაძის განცხადებით, ქვეყანაში არსებული ახალი კორონავირუსის მდგომარეობის გამო, კერძო ბაღებთან მიმართებით სააღმზრდელო პროცესის შეჩერებასთან დაკავშირებით მოთხოვნა გამკაცრდება.

როგორც მინისტრმა ჟურნალისტებს განუცხადა, ამ საკითხთან მიმართებით თუ რა ზომებს მიიღებენ, პრემიერ-მინისტთან შეხვედრის დასრულების შემდეგ ისაუბრებს.

„აქედან ყველანი პრემიერთან შეხვედრაზე მივდივართ. შესაბამისად, იქ იქნება ქალაქის მერი, განათლების სამინისტრიც , დამატებით ზომებს მივიღებთ და გავაკეთებთ კომენტარს“, - განაცხადა ეკატერინე ტიკარაძემ.

კითხვაზე, გაწეულ რეკომენდაციას უკვე მოთხოვნის სახე ხომ არ ექნება, რომ კერძო ბაღებმა შეაჩერონ სააღმზრდელო პროცესი, მინისტრმა უპასუხა, რომ „არსებული მდგომარეობიდან გამომდინარე, მათ მიმართ, რა თქმა უნდა, მოთხოვნა გამკაცრდება“.

ცნობისთვის, საქართველოში ახალი კორონავირუსის 9 შემთხვევაა დადასტურებული. პრევენციის თვალსაზრისით, სასწავლო პროცედურის შეჩერების თაობაზე რეკომენდაცია გაეწიათ ბაღებს, სკოლებს და უნივერისტეტებს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს