ჯანდაცვის მინისტრის განცხადებით, ამ ეტაპზე ლაბორატორიაში 7 მოქალაქის სინჯია გადაგზავნილი

ჯანდაცვის მინისტრის ეკატერინე ტიკარაძის განცხადებით, ამ ეტაპზე ლაბორატორიაში 7 მოქალაქის სინჯია გადაგზავნილი.

მისივე ინფორმაციით, კორონავირუსით დაინფიცირებულებთან კონტაქტში მყოფი 25 პირია დადგენილი, თუმცა ეს მონაცემები შეიძლება, შეიცვალოს.

„გადაგზავნილია ამ პაციენტების ოჯახის წევრების სინჯები, რომლებიც იმყოფებოდნენ მათთან ერთად უცხოეთში და ეს არის 7 პაციენტი. ველოდებით შვიდი პაციენტის დადასტურებას ან უარყოფას. ასევე, მოკვლეულია 25 ადამიანი. ეს 25 ადამიანი ამ ეტაპისთვის იმყოფება თვითიზოლაციაში. მიმდინარეობს მათზე დაკვირვება.ეს არის სტატისტიკა, რომელიც ყოველ ერთ სააათში იზრდება", - განაცხადა ტიკარაძემ.

ამ დროისთვის საქართველოში კორონავირუსის 9 შემთხვევაა დაფიქსირებული, მათგან 6 გუშინ დადასტურდა. 6-ვე პირი ერთი ჯგუფის წევრები არიან, რომლებიც იტალიაში ერთად იმყოფებოდნენ. „ინტერპრესნიუსის" ინფორმაციით, დაინფიცირებულები არიან ორი ოჯახის წევრები, მათ შორის ერთი ოჯახიდან მამა-შვილი, მეორე ოჯახიდან კი 4 ადამიანი.

აღსანიშნავია, რომ 44 წლის მამაკაცი, რომლის შვილსაც კორონავირუსი ასევე დაუდგინდა, იტალიაში მეორე შვილთან ერთადაც იმყოფებოდა, თუმცა, მის შემთხვევაში ანალიზმა ინფექციაზე უარყოფითი პასუხი აჩვენა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით