რესპუბლიკური საავადმყოფოს დირექტორის განცხადებით, ამ დროისთვის საავადმყოფოში დაკვირვების ქვეშ 40 პაციენტი იმყოფება

რესპუბლიკური საავადმყოფოს დირექტორის, ლევან გოფოძის განცხადებით, ამ დროისთვის ახალ კორონავირუსთან დაკავშირებით რესპუბლიკურ საავადმყოფოში დაკვირვების ქვეშ 40 პაციენტი იმყოფება.

მისივე განმარტებით, გუშინ ღამით კლინიკაში 10 პაციენტი მიიღეს, აქედან კი 7 ის პაციენტია, რომელიც გუშინ, სპეციალური რესით იტალიიდან საქართველოს სხვა მოქალაქეებთან ერთად ჩამოიყვანეს. ლევან გოფოძის თქმით, მათ ტემპერატურა არ აქვთ.

„მოგეხსენებათ, გუშინ იტალიიდან თვითმფრინავით ჩამოიყვანეს პაციენტები. მათგან 7 დაკვირვებისთვის ჩვენთან მოიყვანეს. დღეს, ეს პაციენტები ინფექციურ საავადმყოფოში ტესტირებისთვის გადადიან. ანუ, მათ ტესტირება არ ჩატარებიათ, ისე მოიყვანეს ჩვენთან.

დანარჩენი 3 პაციენტი გადმოიყვანეს ინფექციური საავადმყოფოდან, მას შემდეგ რაც ჩაუტარდათ ტესტირება და აღმოჩნდა, რომ ნეგატიური ტესტები აქვთ. ისინი ჩვენს კლინიკაში დაკვირვების ქვეშ დარჩებიან“, - განაცხადა ლევან გოფოძემ.

ამასთან, მისივე თქმით, რესპუბლიკურმა საავადმყოფომ პასუხისმგებლობა აიღო იმ 39 მოქალაქეზე, რომლებიც 10 მარტს იტალიიდან სპეციალური რეისით ჩამოიყვანეს და სასტუმროში განათავსეს.

„სამედიცინო უზრუნველყოფა, მათი დაკვირვება ჩვენი ექიმებისა და ექთნების მიერ განხორციელდება“, - აღნიშნა ლევან გოფოძემ.

ცნობისთვის, ამ დროისთვის საქართველოში კორონავირუსის 23 შემთხვევაა დადასტურებული.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს