ივანე მაჭავარიანი სახელმწიფო ბიუჯეტის კორექტირებას ხარჯების ზრდის მიმართულებით აანონსებს

ფინანსთა მინისტრი ივანე მაჭავარიანი სახელმწიფო ბიუჯეტის კორექტირებას ხარჯების ზრდის მიმართულებით აანონსებს.

როგორც მინისტრმა ჟურნალისტებს მთავრობის სხდომის დასრულების შემდეგ განუცხადა, ძალიან მნიშვნელოვანია, რომ სერიოზული ზომები მივიღოთ მიმდინარე პანდემიის შერბილებასთან დაკავშირებით.

„ეკონომიკური გუნდი უნდა შევჯერდეთ, რა იქნება სექტორული პასუხი, რა იქნება მაკრო პასუხი, ფისკალური ან მონეტარული პოლიტიკის დონეზე. ალბათ, ძალიან მალე, ჩვენ გამოვალთ ბიუჯეტის კორექტირებით და გვექნება არათუ შემცირებული, არამედ გაზრდილი ხარჯები და მიგვაჩნია, რომ ესეც ერთ-ერთი სტიმულირების მექანიზმია“, - აცხადებს მაჭავარიანი.

კითხვაზე, დააგვიანა თუ არა რეაგირება და საშუალებების შესყიდვა საქართველომ, მინისტრი აცხადებს, რომ დაგვიანებას ვერ ხედავს.

„ეს თავიდანვე მედიაამბავი იყო, რომ ვითომ ვიღაცამ რაღაც დააგვიანა. პირიქით, რეაგირების კუთხით საქართველო იყო ერთ-ერთი პირველი ალბათ, მსოფლიოში, ვინც სწრაფი რეაგირება დაიწყო, რაღაც ტიპის მარაგები იქნებოდა ეს თუ ზომების მიღება. იანვარშიც იყო მსოფლიო მასშტაბით რაღაც საშუალებების ნაკლებობა. მე დაგვიანებას ნამდვილად ვერ ვხედავ“, - აღნიშნა მაჭავარიანმა.

იხილეთ ვიდეო: ივანე მაჭავარიანი სახელმწიფო ბიუჯეტის კორექტირებას ხარჯების ზრდის მიმართულებით აანონსებს

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით